Испаниялик мутахассис Рафаэль Бенитес “Эвертон” бош мураббийи лавозимидан бўшатилиши мумкин. Англия чемпионатининг сўнгги ўйинида “ирислар” “Ливерпуль”га 1:4 ҳисобида мағлуб бўлди.
Эслатиб ўтамиз, Бенитес қўл остида “Эвертон” кетма-кет саккизта ўйиндан бери ғалаба қозона олмаяпти. Жамоа иккита дуранг ва олтита мағлубият қайд этган. Сўнгги ғалаба 25 сентябрда “Норвич”ни мағлубиятга учратган (2: 0) ҳолда қўлга киритганди.
Яқин кунларда клуб раҳбарияти йиғилиш ўтказиб, унда бош мураббий тақдири ҳал бўлади.
Испаниялик мутахассис жорий мавсум бошланиши арафасида “Эвертон”ни қабул қилиб, 2024 йилнинг ёзига қадар шартнома имзолади.
