Лондоннинг «Арсенал» клуби ҳали ҳам «Фиорентина» ҳужумчиси Душан Влаховични сотиб олиш ниятида, деб хабар беради La Gazette dello Sport.
Манбага кўра, инглиз клуби ўзининг трансфер рекордини янгилашга тайёр ва футболчи учун 85 миллион евро таклиф қилиши мумкин.
Бироқ Влаҳович «Арсенал»га ўтишни истамаяпти ва мавсум охиригача «Фиорентина»да қолишни афзал кўради.
Жорий мавсум 21 ёшли Влахович «Фиорентина» сафида барча турнирлар доирасида 16 та ўйин ўтказиб, 14 та гол урди ва 2 та голли узатмани амалга оширди.
Унинг клуб билан шартномаси 2023 йилнинг ёзига қадар амал қилади.
