Ўзбекистон Профессионал футбол лигаси одатга кўра, ҳар ой Суперлиганинг энг яхши мураббийи ва футболчиси, шунингдек, энг чиройли голини аниқлаб келмоқда. Ортда қолган ноябрь ойида Суперлигада 3 та тур баҳслари бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Ноябрь ойининг энг яхши мураббийи бўлиш учун номзодлар

Питер Хюистра (“Пахтакор”) – 3 ўйин, 2 ғалаба, 1 мағлубият, тўплар фарқи 10-3

Луисма Эрнандес (“Металлург”) – 3 ўйин, 2 ғалаба, 1 мағлубият тўплар фарқи 4-2

Виктор Жалилов (“Навбаҳор”) – 3 ўйин, 2 ғалаба, 1 мағлубият, тўплар фарқи 5-4

Шуҳрат Мақсудов (“Бунёдкор”) – 3 ўйин, 3 ғалаба, тўплар фарқи 7-3.

Ноябрь ойининг энг яхши футболчиси бўлиш учун номзодлар

Темурхўжа Абдуҳолиқов (“Локомотив”) — 3 ўйин, 3 гол (2 таси пенальтидан), 7 маротаба дарвоза томон аниқ зарбалар

Шерзод Темиров (“Пахтакор”) — 2 ўйин, 3 гол, 4 маротаба дарвоза томон аниқ зарбалар

Ҳусаин Норчаев (“Насаф”) — 4 ўйин, 3 гол, 4 маротаба дарвоза томон аниқ зарбалар

Ҳуршид Ғиёсов (“Бунёдкор”) — 3 ўйин, 3 гол, 1 ассист, 89 та аниқ пас, 10 яккакурашлар

Мартин Боаке (АГМК) — 3 ўйин, 3 гол, 9 маротаба дарвоза томон аниқ зарбалар.

Эслатиб ўтамиз, овоз бериш жараёнида Суперлига клублари бош мураббийлари ва сардорлари ҳамда мухлислар иштирок этишади. Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади.

ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади.

Якунда энг кўп балл тўплаганлар ойнинг энг яхшилари сифатида эътироф этилади. Мазкур ҳавола орқали ноябрь ойининг энг яхшиларини аниқлаш жараёнида иштирок этиш имкониятига эгасиз.