“Манчестер Сити” ҳужум чизиғини кучайтиришни ўйламоқда, деди инсайдер Руди Галетти. 

Португалиялик ҳужумчи Рафаэль Леау Манчестердан топ-клуб қизиқишлари доирасига тушди. “Шаҳарликлар” вакиллари 22 ёшли футболчининг ўйинларини анчадан бери кузатиб келади. АПЛ чемпиони португалияликни январдаги трансфер ойнасида қўлга киритишга ҳаракат қилиши мумкин.

Италия чемпионатининг жорий мавсумида Леау “Милан” сафида 15 та ўйин ўтказиб, 4 та гол ва битта голли узатмага муаллифлик қилган.

Форварднинг “россонерилар” билан шартномаси 2024 йилнинг ёзига қадар тузилган ва унинг нархи 25 миллион еврони ташкил қилади.