"Арсенал" ҳужумчиси Пьер-Эмерик Обамеянг АПЛ 16-тури доирасидан ўрин олган "Саутгемптон"га қарши ўйинни ўтказиб юбориши мумкин, деб хабар беради "Goal" портали.
Маълумотларга кўра, 32 ёшли габонлик "канонирлар"нинг жума кунги машғулотларини ўтказиб юборган ва клуб базасида кўринмаган.
2021/22 йилги мавсумда Обамеянг "Арсенал" сафида 15 та ўйинда майдонга тушиб, 7 та гол ва 2 та голли узатмага муаллифлик қилган.
Эслатиб ўтамиз, "Арсенал" - "Саутгемптон" учрашуви бугун, 11 декабр, Тошкент вақти билан 20:00 да старт олади.
