"Манчестер Юнайтед" ҳамда "Брайтон" клублари ўртасида АПЛнинг 17 туридан ўрин олган баҳси коронавирус билан боғлиқ мураккаб вазият сабаб қолдирилди. Бу ҳақида "Брайтон" клубининг расмий сайтида маълумот берилди.
Ушбу ҳолат асосан "МЮ" таркибидаги вирус билан боғланган. Шу сабабдан "чағалайлар" таваккал қилишни истамади. "МЮ" ҳам ўз навбатида машғулотлар базаси бўлган Каррингтонни қисқа муддатга ёпиб қўйган.
Бироз аввал "Лестер" ҳамда "Тоттенхэм" ўртасидаги баҳс ҳам қолдирилгани эълон қилинган эди.