Хабарингиз бор, 21-23 декабрь кунлари пойтахтимиздаги «Юнусобод» спорт мажмуасида дзюдо бўйича катталар ўртасидаги Ўзбекистон чемпионати бўлиб ўтади.
Кеча йилнинг сўнгги мусобақаси олдидан Халқаро дзюдо федерацияси (ИЖФ) рефери директори Армен Багдасаров мамлакат чемпионати ҳакамлари учун халқаро семинар ўтказди.
Унда грузиялик ИЖФ рефериси Владимир Нутсубидзе, ИЖФда фаолият юритаётган яна бир ҳамюртимиз Абдулла Муродов иштирок этди.
Шунингдек, семинарда олимпия тоифасидаги ўзбекистонлик халқаро ҳакамлар Рамзиддин Саидов, Вячеслав Перетейко, Ўзбекистон дзюдо федерацияси Ҳакамлар ҳайъати раиси Баҳодир Узакбергенов ҳамда чемпионат беллашувларини бошқари учун таклиф этилган реферилар қатнашди.
