"Наполи" клубининг адвокати Маттиа Грассанининг айтишича, жамоа бўлажак Африка Миллатлар Кубоги учун футболчиларни терма жамоаларга жалб қилиш масаласини суд орқали кўриб чиқади.
"Ҳозирги эпидемиологик вазиятдан келиб чиқиб, судга беришимиз мумкин, чунки бу турнир клублардан жуда қимматли футболчиларни тортиб олади. "Наполи" бошқа футболчиларни ўз сафига қўшиб олиш учун жуда катта пул сарфлади, масалан – Виктор Осимхен. Агар унга инфекция юқса, бу клуб учун катта муаммога айланади", - деди адвокат.
Эслатиб ўтамиз, Африка Миллатлар кубоги 9 январдан 6 февралга қадар Камерунда бўлиб ўтиши режалаштирилган.
