Испания чемпионатининг 21-туридан ўрин олган баҳсда "Реал" Бильбао шаҳрида "Атлетик" клуби меҳмони бўлиб, ғалабани қўлга киритди. Мадридликларнинг ҳар иккала голига Карим Бензема муаллифлик қилди.
Франциялик футболчи "Қироллик клуби"даги 12 йиллик фаолияти давомида Ла лига доирасида "Атлетик" дарвозасига урган голлари сони 17тага етди. Басклар жамоаси бу борада Бенземанинг энг "севимли" жамоаси ҳисобланади.
Карим "Гранада" дарвозасига 14 марта гол урган бўлса, "Валенсия" клуби посбонларини 13 марта хафа қилган.
"Севилья" ва "Барселона" эса 10 мартадан Бенземадан жабр чекишган.
