Бразилиянинг «Крузейро» клуби президенти Серхио Сантос Родригес жамоанинг ФИФА олдидаги 7,7 миллион евро қарзи ҳақида гапириб ўтди. Бу қарзни «Крузейро»нинг янги хўжайини, бразилиялик собиқ футболчи Роналдо тўлайди.
«Роналдо барча қарзларни тўлайди. Назарий жиҳатдан, у уюшмага тегишли, лекин тўланиши керак, акс ҳолда футбол ўйнаш мумкин бўлмайди.
Келгуси йил Родригиньо билан шартнома имзолаш учун бизда катта харажатлар бўлади. Роналду ва мен ФИФА томонидан маошлар кечиктирилмасдан ва санкцияларсиз тўланилишини кафолатламоқчимиз», - дея Родригеснинг сўзларини келтиради Mundo Deportivo.
Эслатиб ўтамиз, шу ой Роналдо "Крузейро"нинг 90% акциясини 62,5 миллион еврога сотиб олган эди.
