«Торино» президенти Урбано Кахира жамоа ҳужумчиси ва сардори Андреа Белоттининг келажаги ҳақида гапирди.
«Ўйлашимча, Белотти клубни эркин агент сифатида тарк этади. Унинг шартномаси яқинда тугайди, у янги шартнома имзолаш ниятида эмас.
Ўз вақтида Белотти «Палермо»дан кўчиб ўтганида бу бизга 8 миллион еврога тушганди. Йиллар давомида Андреа клубга кўп нарса берди.
Тўрт йил олдин биз уни «Милан»га 100 миллион еврога сотишимиз мумкин эди, аммо бизда ўзаро яхши муносабатлар бор эди ва на футболчи, на клуб ажралишни хоҳламади», - дейди функционер.
