“ПСЖ”нинг франциялик ҳужумчиси Киллиан Мбаппе Чемпионлар лигаси ўйинларидан сўнг “Реал” билан шартнома имзолайди, деб хабар берди Эл Чирингуито телеканали.
Манбага кўра, клуб ўтиш жараёнига ҳеч нарса халақит бермаслигига ишонч билдирмоқда. Маълум қилинишича, томонлар ўртасида келишувга эришилган, фақат имзолаш қолган. Барча келишувлар Чемпионлар лигаси 1/8 доирасидаги "ПСЖ" ва "Реал" ўртасидаги ўйинлардан сўнг имзоланади.
Эслатиб ўтамиз, Мбаппе 2017 йилда "Монака"дан "ПСЖ"га ўтганди. Ҳужумчининг парижликлар билан амалдаги шартномаси 2021/2022 йилги мавсум охиригача мўлжалланган.
