"МЮ"нинг афсонавий футболчиларидан бири Уэйн Руни Ральф Рангникнинг фаолияти ҳақида фикр билдирди. У шундай дейди:

"Мен янги мураббий бошчилигидаги бир нечта учрашувларни стадиондан туриб томоша қилдим. Ҳақиқатдан ҳам жамоанинг аҳволи анча аянчли. Оле қўл-остида бошқача тизим эди. Ҳозир эса мутлақ ўзгача қарашлар жамоага кириб келди. Менимча, жамоа ичида ҳам қандайдир босим бор. Чунки юқори даражали футболчиларни бошқариш мураккаб иш. Ҳозирги хулосам шундан иборатки, бу "МЮ" "Ливерпуль", "Ман Сити", "Арсенал" каби жамоалар билан тўқнаш келганда ҳар томонлама жазоланади. Буни олдини олиш учун жамоавий муҳитни яхшироқ шакллантириб олиш керак".

Эслатиб ўтамиз, "МЮ" кейинги ўйинни кубок доирасида "Астон Вилла"га қарши ўтказади.