Франциянинг "Бордо" клуби Тьерри Анрини бош мураббийлик лавозимига тайинлаши мумкин.
"RMC Sport" нашри хабарига кўра, франциялик мутахассис жамоанинг амалдаги мураббий Владимир Петкович ишдан бўшатилган тақдирда клубни бошқариши мумкин.
Маълумот учун, Петкович 2021 йилнинг июлидан бери “Бордо”ни бошқариб келмоқда. Бу вақт ичида жамоа барча турнирларда 23 та ўйин ўтказиб, шундан 4 тасида ғалаба қозонган, 11 тасида мағлубиятга учраган ва 8 тасида дуранг қайд этилган.
Айни вақтда “Бордо” 17 очко билан Франция чемпионати турнир жадвалида 19-ўринда бормоқда.
