Ўзбекистон футбол федерацияси матбуот хизмати бўлими спорт соҳасида фаолият олиб бораётган оммавий ахборот воситаларини март ойининг энг яхши мурабби ва футболчисини аниқлашга чақиради.
Январь ойи якунларига кўра Вадим Абрамов ва Кенжа Тўраев энг яхши мураббий ва футболчи номини қўлга киритган бўлса, февралда Вадим Абрамов ҳамда Ойбек Қиличев муваффақият қозонганди.
Март ойини Ўзбекистон клублари халқаро майдондаги иштирок билан бошлаб, 2012 йилги мавсумга расман старт беришди. Мамлакат Олий лигасида ҳозирга қадар 2та тур ўйинлари якун топган бўлса, Ўзбекистон Кубогининг ним чорак финал иштирокчилари 30 март куни аниқ бўлади. Шунингдек, Ўзбекистон олимпия терма жамоаси мазкур ой ҳисобидан 2та расмий ўйинда иштирок этди. Бу билан бир қаторда ҳориж миллий чемпионатларида тўп сураётган ўзбекистонлик футболчилар ҳам бир қатор ўйинларда майдонга тушдилар.
Март ойининг энг яхши футболчи ва мураббийига овоз бериш жараёнида иштирок этишни истаган оммавий ахборот воситалари 5 апрелга қадар ўз овозларини
media@the-uff.com интернет почта манзилига юборишлари керак. Бунинг учун ОАВ ўз ҳодимлари иштирокида ички сўровнома ўтказиб, якуний натижани ЎФФга тақдим этиши керак.
P.S. ЎФФ ўтказаётган мазкур сўровномада алоҳида журналистлар иштирок эта олишмайди.
media@the-uff.com интернет почта манзилига юборилган овозлар ОАВнинг расмий бланкасида, муҳаррир имзоси ва муҳри билан тасдиқланган бўлиши керак.
