Япония футбол уюшмаси ва Япония Жей-лигаси Осиё Чемпионлар Лигаси тақвимига киритилиши кутилаётган ўзгаришларга қарши чиқди. Бу ҳақда «Goal.com» интернет-нашри хабар бермоқда.

Апрель ойида эълон қилиниши кутилаётган ҳамда ОФК қўмиталарининг 22 мартдаги йиғилишида қабул қилиниб бўлган қарорга кўра, дастлабки тақвим режасига кўра 29 ва 30 май кунларига белгиланган ОЧЛ 1/8 финал ўйинларини бир ҳафта олдинга – 22 ва 23 март кунларига кўчирилади. Бунга сабаб —  3 июнь куни ЖЧ-2014 саралашидаги иштирокини бошлайдиган Яқин Шарқ давлатларига ушбу баҳсларга тайёргарлик учун вақт ажратиб беришдир.

«Goal.com» нашрига кўра, Япония футбол уюшмаси ва Япония Жей-лига биргаликда ушбу таклифга қарши чиқиш бўйича келишиб олишган.

«Бу масала бўйича Япония ўз эътирозларини билдирган эди, бироқ ОФК бизга қулоқ солмади. Муҳим мусобақалардаги ўйинлар тақвимини, уларга икки ойдан камроқ вақт қолганида ўзгартириш – жуда ғалати ва мусобақанинг ўтишини тезлаштириб юбориш ҳам ёмон ғоядир», деди Япония футбол уюшмаси техник директори Хироми Хара.

ОФК бу ҳақдаги сўнгги қарорини апрель ойи бошида эълон қилиши кутилмоқда.