ОФК Кубоги доирасидан ўрин олган "Нефтчи" ва "Ал-Уруба" учрашуви олдидан иккала жамоа бош мураббийлари ўйинолди матбуот анжуманида қатнашишди. Фарғоналиклар устози Юрий Саркисян жамоа фақат ғалаба учун майдонга тушишини таъкидлаб ўтди.

— Рақибларимиз ҳақида сизда керакли маълумотлар борми?
— Ҳа, бизда қисман бўлса ҳам маълумотлар бор. Бу бизга етарли бўлади деган умиддаман.

— Эртанги ўйинда жамоа мухлислари қандай ҳисобни кўришлари мумкин?
— Футболда олдиндан бирон нарса дейиш ёки олдиндан ваъда бериб бўлмайди. Мухлисларимизга шуни айтиб ўтишим мумкинки биз фақат ва фақат ғалаба учун майдонга тушамиз ва мухлисларимизни хурсанд қилишда давом этамиз.

— “Ал-Уруба”да кўплаб легионер футболчилар бор. Жумладан бразилялик футболчи. Айтингчи, бу эртанги ўйинда ғалаба қозонишга ҳалал бермасмикин?
 — Рақибимизда бразилиялик футболчи бор бўлса нима бўлади? Ахир бизда ўзбеклар борку.