“Барселона” яримҳимоячиси Адама Траоре каталонияликлар устози Хави ҳақида ўз фикрларини билдириб ўтди.

“Хави – “Барселона” афсонаси. Мен у билан футбол ҳақида гаплашдим. У ҳам “Барса” тарбияланувчиси ҳисобланади. Болалигимда Хави, Пуйол ва бошқа кўплаб футболчилар бизга маслаҳат беришди ва бу ажойиб хотиралар.

Хави ўз иқтидоримни кўрсатишимни, яккама-якка курашларда йўқолиб қолмаслигимни ва муҳими кўпроқ гол уришга ҳаракат қилишимни сўрайди”, - дея фикр билдиради Траоре.

29 январь куни “Барселона” Траоре билан шартнома имзолаганини эълон қилди. Футболчи билан шартнома жорий мавсум охиригача имзоланган.