Испаниялик ярим ҳимоячи Сауль Нигес Лондоннинг “Челси” клубида тўлақонли футболчига айланиши мумкин.
Goal.com порталига маълум бўлишича, Мадриднинг "Атлетико" клубидан футболчини сотиб олмоқчи бўлмаган лондонликлар ўз фикридан қайтган. Сўнгги пайтларда Нигес яхши формада ва клубни ўз қобилиятига ишонтирди. Шу муносабат билан инглиз гранди 2021/2022 йилги мавсум якунида испанияликни 30 миллион фунт стерлингга (35,5 миллион евро) сотиб олиш вариантини фаоллаштиришга тайёр.
Жорий мавсумда Сауль лондонликлар сафида 17 та ўйин ўтказиб, битта голли узатмани амалга оширди.
