«Атлетико Мадрид» бош мураббийи Диего Симеоне «Барселона»га қарши ўйин арафасида интервью берди. Ушбу учрашув 6 февраль куни Испания Ла Лигасининг навбатдаги тури доирасида бўлиб ўтади.
«2016 йилда Хави «Атлетико»нинг услуби катта клубларга мос келмаслигини айтганди. Энди унинг жамоасига ўзи хоҳлаган ўйинни, ўзи кўниккан услубни бериш учун ажойиб имконият бор. Биз рақибларимизга муаммо туғдирадиган тарзда ўйнашга интиламиз.
Мен унинг фикрини ҳурмат қиламан, Хави «Барселона» сафида ажойиб даврларни ўтказган. Унинг жамоадошлари ажойиб футболчилар эди. Энди у ўзини яхши мураббий сифатида кўрсатиши керак. Менимча, Хави муваффақиятга эришади.
Менга «Барселона»нинг Хави қўл остидаги ўйини ёқади. У жамоага ўзига яқин бўлган футбол фалсафани сингдирди. У ўз жамоасини олға силжиши ва ҳали ҳам улар Камп Ноу ўрганиб қолган услубда ўйнаши учун имконият мавжуд», - деди аргентиналик мураббий.
