“Барселона” ҳимоя чизиғини жиддий равишда янгиламоқчи.

Diario Sport нашри хабарига кўра, ёзги трансферлар вақтида каталонияликлар уч ёки тўртта ҳимоячи билан шартнома имзолашлари мумкин. Бу “Барса” бош мураббийи Хавининг устувор вазифаси.

Ёзда “кўк-анорранглилар” уч нафар марказий ҳимоячиси - Оскар Мингеса, Самуэль Умтити ва Клеман Ленгле билан хайрлашишни истамоқда.

“Барса” бўшаган позицияларни тўлдириш учун бир юқори савияли футболчини сотиб олмоқчи. Клуб раҳбарияти ҳозирда “Челси” аъзоси Андреас Кристенсен ва “Севилья” етакчиси Жюль Кундени сотиб олиш устида ишламоқда. “Ювентус” билан Маттейс де Лигт борасида муҳокама олиб бормоқда.

Қолаверса, ёзда Кристенсен каби эркин агентга айланадиган “Челси” ҳимоячиси Сезар Аспиликуэта ҳам “Барса” сафига қўшилиши мумкин. Каталонияликлар Хорди Альбага ўринбосар сифатида “Валенсия” ҳимоячиси Хосе Гайяни кўрмоқда.