"Реал" бош мураббийи Моуриньонинг ёрдамчиси Айтор Каранка Испания чемпионати 29- турида "Валенсия" билан кечган ўйин (0:0) ҳақида фикр билдирди.
"Футболчилар бор кучларини сарфладилар, кўплаб вазиятлар яратдилар ва ишқибозлар сўнгги дақиқагача бизни қўлладилар... Лекин гол ура олмадик. Чоршанба куни бизни яна бир ўйин кутиб турибди. Ҳозир биз 4 очко олдиндамиз, ўйинларга тайёрланишимиз керак.
Ҳакамлар? Стадионда 80 минг мухлис бор эди. Нима бўлганини бутун дунё кўрди. Шунда шубҳа уйғоняптики, чемпионатда интригани сўнгги тургача сақлаб қолишга ҳаракат қилинмоқда.
Биз бу ерда ҳеч нима қилолмаймиз. Биз кимнидир овозимизни кўтариб айбламоқчи ҳам эмасмиз. Қўлимиздан келадигани - ўз кучимизга ишониш. Йигитлар охиригача курашадилар", - дея Каранканиг сўзларини келтиради AS.