«Динамо» жамоаси Туркиядаги уч ҳафталик йиғини доирасидаги сўнгги ўртоқлик баҳсини Украинанинг «Оболонь» клубига қарши ўтказиб, ғалаба қозонди ва хориж йиғинини мағлубиятсиз якунлади.

Самарқанд ва Киев жамоалари ўртасидаги баҳс икки жамоанинг ҳам Туркия йиғини якунидаги сўнгги учрашуви бўлгани сабабли ўйин ўртоқлик эмас, расмий баҳс сингари муросасиз ва шиддатли ўтди. Учрашув давомида жамоалар кўп марта ўзаро орани очиқ қилишга ўтишди. Асабий ўтган ўйинда захирадан майдонга тушган ҳужумчи Саҳоб Рашидов 88-дақиқада «Динамо» жамоасига Украина клуби устидан ғалаба келтирди – 1:0.

Шу тариқа, «Динамо» хориж йиғинини мағлубиятсиз якунлади: 5 ўйинда 3 дуранг ва 2 ғалаба. Жамоа эртага, 24 февраль куни Туркиядан Ўзбекистонга қайтади.

23 февраль (чоршанба)
Ўртоқлик баҳси. Туркия, Сиде.

«Динамо» - «Оболонь» (Украина) – 1:0

Гол: Саҳоб Рашидов, 88.

«Динамо» (1-бўлим): Милое Прекович, Ислом Шарипов, Иброҳим Йўлдошев, Жасур Жумаев, Михайло Йованович, Музаффар Музаффаров, Темур Исмоилов, Евгений Чумак, Шоҳмалик Комилов, Александар Глишич, Ойбек Нурматов.

Захира таркиби: Арслон Аҳроров, Жўрабек Маннонов, Сайдулло Раҳматов, Достон Фотеев, Ойбек Жўраев, Абдужамол Исроилов, Тўлқин Эргашев, Жасур Умаров, Саҳоб Рашидов, Фахриддин Алимов, Шокир Йўлдошев, Фарҳод Раҳматов, Воҳид Оқбўтаев, Акмал Козимов.