Шанба куни Европанинг барча кучли лигаларидаги (АПЛ, Ла Лига, А Серия, Бундеслига ва Лига 1) ўйинлар олдидан ўзига хос акциялар ўтказилди.

Жумладан, «Манчестер Сити» футболчилари «Эвертон»га қарши ўйинга «No War» либосида майдонга чиқишди. Қуйида бутун Европа бўйлаб оммалашиб бораётган бу каби ҳолатларни фото шаклида эътиборингизга ҳавола этамиз.

«Эвертон» футболчилари эса Украина байроқларини елкаларига илган ҳолда майдонга чиқди.

Баҳс старти олдидан иккала рақиблар — Александр Зинченко ва Виталий Миколенконинг ўзаро муносабати мухлисларга эмоцияларга бой сонияларни тақдим этди. Энг қизиғи, ҳар иккала футболчи ҳам кеча майдонга тушмади.

«Манчестер Юнайтед» ва «Уотфорд» Ральф Рангник бошчилигида махсус баннер кўтарганча суратга тушишди. Унда олти тилда «тинчлик» сўзи ифодаланган эди. Тинч океанининг белгиси бўлган кўк ранг ўз ўрнида тинчликнинг ҳам халқаро рамзи ҳисобланади.

«Кристал Пэлас» эса Украинани қўллаб-қувватлаб чиқди.

«Астон Вилла» аъзоси Мэтти Кэш голдан сўнг Киевнинг «Динамо» жамоаси ҳимоячиси Томаш Кендзёрани қўллаб-қувватлаган сўзлар ёзилган футболкани мухлисларга намойиш қилди: «Кучли бўл, оғайни»). Кэш ва Кендзёра Польша терма жамоасида бирга ҳаракат қилишади. Томаш ҳозир Украинада бўлиб турибди.

Франкфуртнинг «Айнтрахт» клуби «Бавария» ўртасидаги ўйин олдидан таблога тинчлик каптари жойлаштирилди.

Роберт Левандовски Украина байроғи рангидаги сардорлик боғичида майдонга чиқди.

Жума куни «Хоффенхайм» ва «Штутгарт» ўзаро баҳс олиб борди ва жамоалар «Уруш тўхтасин» номи остида баннер кўтариб чиқишди.

«Байер Леверкузен» - «Арминия» ҳамда «Милан» – «Удинезе» ўйинлари олдидан бир дақиқалик сукут сақланди.

Ла Лигада тур ўйинларининг барчасида «No War» акцияси ташкил қилинди. 

«ПСЖ» ва «Сент-Этьен» эса «Тинчлик — ҳамма учун» байроғи билан майдонга чиқишди.