«Ювентус» ҳимоячиси Маттейс де Лигт Туриннинг жорий мавсумдаги эҳтимолий чемпионлиги ҳақида гапирди. Футболчи клуб Криштиану Роналдуга сифатли ўринбосар топа олганидан жуда хурсанд.

«Қайсидир пайтда биз пешқадамлардан 14 очкога ортда қолган эдик, шу боис Скудетто ҳақидаги ўй миямдан бироз четга чиққанди. Биз Чемпионлар лигасига чиқишга эътибор қаратишимиз кераклигини айтдик ва ўшандан бери биз ўйинма-ўйин ривожланиб келмоқдамиз. «Интер», «Милан» ва «Наполи» очко йўқотишда давом этмоқда ва биз ҳозирда биринчи ўриндан атиги 7 очко ортда боряпмиз. Мўъжиза рўй бериши керак, аммо, вазият ўн уч тур аввалгидан яхшироқ кўринмоқда.

Ёз охирида Роналдуни йўқотдик, бу дегани - табиийки бир мавсумда 30 та гол йўқотдик. Биз уни дарҳол Влаховичдек футболчи билан алмаштира олмадик. Албатта, мавсум бошида кўп нарсани ўтказиб юбордик.

Влаховичга қарши ўйнаганимда унинг қанчалик кучли ва техникали эканлигини аллақачон сезганман. Мени ҳайратда қолдирган нарса унинг гол уриш учун мотивацияси бўлди. Бизга у каби ҳужумчи керак эди”, - дейди Де Лигт.