«Тоттенхэм» стози Антонио Конте Лондон клуби сафини тарк этиши мумкинлиги ҳақидаги гапларга изоҳ берди.
«Менинг муносабатим ортида қандай стратегия борлигини тушунишингиз керак. Ҳар сафар биз матбуот анжумани ўтказганимизда, унинг ортида стратегия ётади. «Бёрнли»дан учралган мағлубиятдан сўнг, кескинроқ гапирган бўлишим мумкин, аммо бу жамоадан кетман дегани эмас», - дея мураббийнинг сўзларини келтиради журналист Фабрицио Романо.
«Тоттенхэм» ҳозирда АПЛ турнир жадвалида 7-ўринни эгаллаб турибди. Жамоа ҳисобида 42 очко бор. Чемпионлар лигаси зонасигача бўлган ўринлардан беш очко ажратиб турибди.
