"Ювентус" бош мураббийи Массимилиано Аллегри Италия кубоги ярим финалида "Фиорентина"га қарши бўлиб ўтадиган бўлажак ўйинда ҳужумчи Душан Влаҳовичнинг иштироки ҳақида фикр билдирди.
"Фиорентина" мухлисларининг ақл-заковати ва маданиятига ишонаман. Влаҳович ҳар доим флоренсияликларга ва "Ювентус"га ўтишга имкон берган "Фиорентина" клубидан миннатдор бўлади.
"Фиорентина" Влаҳовичсиз унчалик ўзгармади. У ҳали ҳам юқори интенсивликка эга ва муаммоларни келтириб чиқармоқда", - деди Аллегри матбуот анжуманида.
Италия кубоги 1/2 финал босқичининг "Фиорентина" – "Ювентус" учрашуви эртага, 2 март куни бўлиб ўтади.
