«Верона» «Кальяри»дан ҳужумчи Жованни Симеонени сотиб олишни режалаштирмоқда, дея хабар беради журналист Николо Скира.
Манбага кўра, «Верона» 26 ёшли аргентиналик футболчини шартномадаги 10 миллион еврога сотиб бандини фаоллаштиришга тайёр. Маълум қилинишича, клуб футболчига 2026 йилгача мўлжалланган шартнома таклиф қилади.
Симеоне «Верона»га 2021 йилнинг августида ижара асосида ўтганди. Жорий мавсумда ҳужумчи жамоаси сафида 24 ўйинда 15 та гол урди ва 4 та голли узатмани амалга оширди. Трансфермаркт портали футболчининг нархини 17 миллион еврога баҳоламоқда.
Жованни Симеоне - «Атлетико Мадрид» бош мураббийи Диего Симеоненинг ўғли.
