"Лидс Юнайтед" ҳужумчиси Тайлер Робертс жароҳат сабабли Премьер-лиганинг қолган қисмини ўтказиб юборади.
23 ёшли футболчи шанба куни "Кинг Пауэр" стадионида иккинчи бўлимда захирадан майдонга тушганидан кейин икки дақиқа ичида жароҳат олди.
Клуб ҳужумчининг жароҳати жиддийлигини тасдиқлади:
"Робертс кейинги уч ой давомида майдонга тушмайди. "Лидс Юнайтед"дагиларнинг барчаси Тайлернинг тезроқ тузалиб кетишини тилайди", дейди клуб матбуот хизмати.
Робертс бу мавсумда "оқлар" сафида Премьер-лигада 23 та ўйин ўтказиб, битта гол урди ва битта голли узатмани амалга оширди.
