Украина терма жамоасининг собиқ устози Андрий Шевченко Италия телевидениесининг жонли эфирида юртидаги уруш ҳақида гапириб, кўз ёшларини тутиб тура олмади.
Мутахассиснинг сўзларига кўра, ватанида содир бўлаётган воқеалар унга ҳамон даҳшатли тушдек туюлади.
"Қариндошларим менга нима бўлаётганини айтиб беришади. Бу мен уйғонмоқчи бўлган даҳшатли туш. Шаҳарлар бомбардимон қилинмоқда, аёллар, болалар ва қариялар ўлдирилмоқда.
Бу даҳшатли тушга ўхшайди, эртага мен уйғониб, нормаль ҳаётга қайтаман шекилли, лекин бу содир бўлмаслигини тушунаман ... Бу ҳақиқат.
Украина Европанинг бир қисми бўлишни хоҳлайди, бу бизнинг халқимизнинг қарори эди. Зеленский бизни эркинлик ва мустақиллик сари етакловчи буюк президент", деди Шевченко Rai3 телеканалига берган интервьюсида.