«Ливерпуль» марказий ҳимоячиси Жо Гомесга Премьер-лиганинг бир қатор клублари қизиқиш билдирмоқда.
Малумотларга кўра, 24 ёшли футболчи «Ливерпуль»даги кам ўйин амалиётидан норози ва ёзда клубини ўзгартирмоқчи. Гомес бўлажак жаҳон чемпионатида Англия терма жамоасига кириш имкониятини ошириш учун доимий ўйин ўтказадиган жамоага ўтишни истамоқда.
90min нашри хабарига кўра, Гомес хизматларига «Тоттенхэм», «Лестер», «Вест Хэм» ва «Ньюкасл» клублари қизиқиш билдирмоқда. Клубнинг «қизиллар» билан шартномаси 2024 йилгача мўлжалланган, шу боис мерсисайдликлар футболчи учун катта сумма сўраши мумкин.
Англия Премьер-лигасининг жорий мавсумида Жо Гомес бор-йўғи 5 марта майдонга тушди.
