"Барселона" бош мураббийи "Стэмфорд Бриж" стадионида бўлиб ўтган ЕЧЛ дастлабки ярим финал учрашувини изоҳлар экан, жавоб учрашувида шогирдлари янада кўпроқ хавфли вазиятлар яратиши лозимлигини айтиб ўтди.
"Рақибинг бутун жамоа бўлиб ҳимояланса ва майдондаги 10 ўйинчи ҳам ўз майдонига қамалиб олса ўйнаш жуда қийин бўлади. Бугунги ўйинимиздаги ягона камчилик — гол кирита олмаганимиз. Бироқ бу ҳисоб "Барселона" учун қайсидир маънода чақирув бўлиб хизмат қилади. Биз бу чақирувни қабул қиламиз ва жавоб учрашувида финалга йўл олиш ўйнаймиз.
Рақиб дарвозаси яқинида имкон қадар кўпроқ хавфли вазият яратиш йўлини топишимиз керак. "Челси" жуда чуқур ҳимяланди, шу сабабли биз сабрли бўлиб рақибнинг хатога йўл қўйишини кутишга мажбур бўлдик. Биз кўплаб хавфли вазиятлар яратдик, лекин тўп лондонликлар дарвозаси тўрига бориб тушмади.
"Челси" энди бу жуфтлик фаворитига айланди. Сўнгги тўққиз йил ичида улар олти бор чемпионлар Лигаси ярим финалида ўйнашган. Ишонаманки, футболчиларим жавоб учрашувига 100 фоиз тайёр бўлишади. Жавоб учрашувида қарама-қаршилик йўналишини синдиришга эришамиз", — деди испан нашрларига.
