"Ливерпуль" бош мураббийи Юрген Клопп Россиянинг Украинага ҳарбий ҳужуми туфайли Роман Абрамович ва "Челси"га нисбатан жорий қилинган санкцияларга изоҳ берди.
"Томас Тухель ва мен бир-биримизни биламиз, лекин биз ўйиндан ташқари ёки бошқа вақтларда мулоқот қилиш учун унчалик яқин эмасмиз. У, футболчилар ва "Челси"нинг барча ходимлари уларнинг атрофида содир бўлаётган воқеалар учун жавобгар эмас.
Фақат бир киши биринчи навбатда айбдор - Владимир Путин. Бунда Роман Абрамовичнинг роли ҳақида билмайман, лекин йиллар давомида у Россия Федерацияси Президентига жуда яқин эканлигини тушуниш мумкин эди.
Менимча, Буюк Британия бошқаруви қилган иш тўғри бўлган. Лекин 100% ростини айтсам, бу "Челси"дагилар ва мухлислар учун унчалик яхши эмас. Мен буни тушунаман, лекин ҳукуматнинг хатти-ҳаракатлари мантиқий эди", — дея Клоппнинг сўзларини келтиради Меtrо нашри.
