"Челси" бош мураббийи вазифасини бажарувчи Роберто ди Маттео Англия Премьер-лигасининг 35-турида "Арсенал"га қарши сафар учрашувида қайд этилган голсиз дурангни изоҳлаб ўтди.

"Олти кун мобайнида уч ўйин ўтказганимиздан сўнг "Эмирейтс" стадионида қўлга киритилган 1 очкого рози бўлишимиз керак. Чунки бу стадионда ҳар қандай шароитда ўйнаш оғир. Футболчиларимизга айни пайтда катта юк тушган, лекин биз жамоавий ўйин ва жамоавий руҳни кўрсата олдик. Ҳозирги кунда биз жароҳатланганлар билан боғлиқ алоҳида муаммоларга эга эмасмиз ва ихтиёримизда майдонга тушишга тайёр бўган футболчилар тўплами бор. Оғир ўйинлар жадвалини эплай олишимиз-олмаслигимизни вақт кўрсатади.

Менимча, биз бугун 1 очко ишладик. Айни вақтда ҳамон тўртинчи ўрин учун курашда фаол бўлиб қоламиз. Чемпионатнинг қолган тўрт ўйинида фақат битта ўйинимиз сафарда ўтади. Биз мавсумнинг сўнгги сониясига қадар курашамиз", — деган ди Маттео ўйиндан кейинги матбуот анжуманида.