«ПСЖ» «Ливерпуль» спорт директори Майкл Эдвардсга шартнома таклиф қилади. Бу ҳақда Британия ОАВлари хабар бермоқда.

Парижликлар Эдвардсни спорт директори Леонардо ўрнига эгаллашини исташмоқда. «ПСЖ» раҳбарлари аллақачон Леонардони истеъфога чиқаришга қарор қилишган.

Эдвардсга келсак, у 2021/2022-йилги мавсум якунланганидан кейин «Ливерпул»ни тарк этади. Аввалроқ, Майкл Мадрид клубига ўтиши мумкинлиги ҳақида хабарлар тарқалган эди. Унинг хизматларига «Реал» фаол қизиқиш билдирмоқда.

Эдвардс «Ливерпул»нинг ривожланишида катта рол ўйнади. Хусусан, айнан у Муҳаммад Салоҳ, Садио Мане, Виржил ван Дейк ва бошқа кўплаб футболчиларнинг трансферларида иштирок этган.