«Ювентус» раҳбарияти келаси ҳафтада туринликлар ярим ҳимоячиси Хуан Куадрадонинг агенти билан учрашув ўтказади. Журналист Николо Шкиранинг сўзларига кўра, томонлар ҳамкорликни узайтиришни муҳокама қилади.
Туринликлар 33 ёшли колумбиялик футболчига 2024 йилгача шартнома таклиф қилмоқда. У мавсумига 4 миллион евро маош олади.
Колумбиялик ҳимоячининг амалдаги шартномаси 2022 йилнинг 30 июнига қадар мўлжалланган.
2021/22 йилги мавсумда Куадрадо «Ювентус» сафида барча турнирлар доирасида 37 та ўйинда майдонга тушиб, 5 та гол урди ва 4 та голли узатмани амалга оширди.
