La Gzzetta dello Sport журналисти Танкреди Пальмери ўз твиттерида ёзишича, "Женоа" клуби раҳбарияти бош мураббий Алберто Малезанини истеъфога чиқарган.
Сабаб сифатида, жамоанинг бугун ўз майдонида "Сиена"дан йирик ҳисобда мағлубиятга учрагани кўрсатилмоқда. Малезанининг ушбу лавозимга тайинланганига ҳали бир ой ҳам бўлмаганди. "Женоа" ушбу мутахассис бошқарувида учта ўйинда майдонга тушиб, иккита дуранг ўйнаган. Ушбу дуранглар ҳам турнирнинг энг суўнгги поғоналарини эгаллаб турган икки жамоа билан учрашувларда қайд этилган.
Манбанинг хабар беришича, Луижи Ди Канио "Женоа"нинг навбатдаги мураббийи бўлиши мумкин. Шунингдек, бир неча кун олдин "Ювентус"нинг собиқ мураббийи Луижи Дел Ньерининг ҳам Женоага келиши таҳмин қилинаётганди.
