Ўтган йили Осиё Футбол Конфедерацияси қитъа миқёсида малакали футбол мутахассисларини тайёрлаш мақсадида ОФК Олий маҳорат академик марказига асос солди.
Қитъа футбол уюшмасида, минтақавий ассоциациялар ҳамда аъзо федерацияларда фаолият юритиши кўзда тутилган бўлғуси лидерларнинг футбол ичидаги ва атрофидаги замонавий билимларни чуқур ўзлаштириши мақсадида футбол оламининг машхур профессорлари спорт ҳуқуқи, лицензиялаш жараёнини ташкил этиш, футбол клублари, лига ҳамда ассоциациялар ташкилий тузилмалари ҳақида, шунингдек уларнинг стратегик ва молиявий бошқаруви, йирик спорт тадбирларини ўтказиш каби йўналишларни ўргатувчи ОФК академиясининг илк қалдирғочлари куни кеча якуний битирув ишларини ҳимоя қилишди.
Қувонарли жиҳати – Футбол менежменти бўйича илк битирувчилар қаторида ЎзПФЛ Клубларни лицензиялаш ва халқаро алоқалар бўлими бошлиғи Зохиржон Акрамхонов ҳам ОФК академиясини тамомлади.
Ишонамиз – ЎзПФЛ вакили ОФК Олий маҳорат академик марказида олган билимларини юртимиз футболи ривожи йўлида сарф этади.