"Милан" ёзда "Челси" ярим ҳимоячиси Жоржиньони сотиб олиш вариантини кўриб чиқмоқда.
Яқинда ярим ҳимоячининг агенти унинг"Челси"даги келажаги сўроқ остида эканлиги ва футболчи Италияга қайтишни орзу қилаётганини айтди. Таъкидланишича, италиялик футболчига ҳозирда А сериянинг 5 та жамоаси - "Милан", "Интер", "Ювентус", "Рома" ва "Наполи"дан таклиф бор.
Ярим ҳимоячининг шартномаси 2023 йилда тугайдиган бўлса, "Челси" уни текинга кетмаслиги учун ёзда сотиши мумкин. Calciomercato нашрининг хабар беришича, миланликлар бундан унумли фойдаланиш ниятида, чунки улар Жоржиньони "Барселона"га ўтиши мумкин бўлган Франк Кессиэга ўринбосар сифатида кўришмоқда.