Аргентиналик Серхио Агуэронинг айтишича, инглиз ОАВ ходимлари Премьер-лиганинг кўплаб клубларига нисбатан холис муносабатда бўлишмаслигини айтди.

«Сизлар Англия чемпионати қандайлигини билмайсиз. Англияда барча журналистлар, телеканаллар, умуман олганда, ҳамма «МЮ» мухлислари ҳисобланади. Ҳаммаси!» - дея Агуэронинг сўзларидан иқтибос келтирмоқда Daily Mail.

Эслатиб ўтамиз, Серхио Агуэро ўтган йилнинг декабрь ойида юрак хасталиги туфайли 33 ёшида футболни тарк этишга мажбур бўлган эди. У Англия Премьер-лигасининг барча вақтлардаги тўпурарлари рўйхатида тўртинчи ўринни эгаллаб турибди. У «Ман Сити» сафида 275 та ўйинда 184 та гол урган.