"Барселона" бош мураббийи Хосеп Гвардиола "Челси"га қарши "Камп Ноу" стадионида бўлиб ўтган ЕЧЛ ярим финали жавоб учрашуви да қайд этилган дуранг (2:2) ни изоҳлаб ўтди. Икки ўйин натижасига кўра, "Барселона" 3:2 ҳисобида ютқазди ва чемпионлар Лигасидаги иштирокини якунлади.

"Албатта, ўйинчилар руҳан тушкун кафиятда. Ўйинда туб бурилиш ясаган нуқта Рамиреснинг танаффус олдидан киритган голи эди, бу биз учун руҳий зарба бўлди. Ғалаба қозониш учун қўлимиздан келган ҳамма нарсани қилдик. Нфақат бугун, ҳар икки учрашувда. Биз бугун кўпроқ гол киритиш имкониятларга эга бўлган эдик, ҳаттоки пенальти тепиш ҳуқуқини қўлга киритгандик. Буларнинг барчаси етарли бўлмади.

Рақиб ҳимоясини ёриб ўтиш жуда қийин бўлди. Ди Маттео орқа чизиғни зич жойлаштириб ҳимояланди, шу сабабли биз кенг ҳужум қилишга ҳаракат қилдик. Бу эса оддий нарсамас. Булар устида қизғин иш олиб боришимизга тўғри келади — бундай ҳимояни қандай ёриб ўтишни ўрганишимиз керак. Ўйин икки йил аввалги "Интер"га қарши кечган ярим финални сэлатиб юборди. Фақат бугунгиси янада аламлироқ бўлди, чунки ўшандагига нисбатан бугун  ғалаба учун катта куч сарфлагандик. Яқин кунларда қаерда хато қилганимизни ўрганиб, таҳлил қилиб чиқамиз.

Биз Лионель Мессига клубга берган барча нарсаси учун ташаккур билдиришимиз лозим. Менинг унга бўлган таҳсинларим чегара билмайди. У — ўз устида ишламоқчи ва ўсмоқчи бўлган ҳар қандай киши учун ўрнак. Унинг жанговар характерини билганим учун шубҳа қилмайманки, у ҳозир қаттиқ қайғу гирдобида. Лекин айнан ману шундай ўйинларда футболнинг бор мафтункорлигин намоён бўлади.

Биз омадсизликка дучор бўлдиқ. Шубҳасиз, мен ҳозироқ ўзгартиришим мумкин бўлган нарсалар бор, лекин биз финалга чиқа олмадик. "Челси"га табрикларим. Бугун биз бу ерда ҳам, ҳафта муқаддам "Стэмфорд Бриж"да ҳам кўплаб голли вазиятларни кўкка совурдик. Мен футболчиларни қандай қилиб коийшим мумкин, қачонки улар 180 дақиқа мобайнида шунчалар вазият яратишган бўлишса? Шунчаки, бу йил бизга аталмаган экан", — дея Гвардиола сўзларидан иқтибос келтирмоқда УЕФА расмий сайти.