Кечадан олдин "Реал"-"Бавария" жуфтлиги ғолибини аниқлаш, "Барселона" ҳамда "Челси" жамоалари ўртасидаги учрашув ғолибини аниқлашдан кўра қийинроқдек кўринганди.

Аммо, кеча тунда бўлиб ўтган триллер барчасини ағдар тўнтар қилиб юборди. Энди, очиғи Мадриддаги учрашувдан нималар кутишни ҳам билмайсан...
Мен башорат қилишни ёқтирмайман. Кечаги ўйин кўрсатиб бердики, ҳар қандай башорату, таҳминлар аҳамиятсиз нарса. Чунки, мен кеча "Барселона"нинг ғалаба қозонишига ишончим комил эди.

Шундай бўлсада, бугунги ўйиндан нималар кутаётганимни тушунитиришга ҳаракат қиламан.

Аввало ушбу ўйинга ҳар икки жамоа ҳар хил кайфиятда етиб келишганини таъкидлаш лозим. "Реал" мавсумнинг энг асосий ўйинида ғалаба қозонди. Кайфият аъло даражада. "Бавария"да эса аксинча ҳолат. Улар бундеслигани бой беришди. Жамоа икки ой олдингидек ҳаммани тор-мор этадиган формада ҳам эмас.

Бу дегани "Реал" бугун ғалаба қозонадими? - Йўқ. "Бавария"нинг ҳар бир чизиғига ажойиб футболчилар йиғилган, айни дамда мотивация ақл бовар қилмас даражада кучли.

Қироллик клуби Испания чемпионатининг энг сермахсул жамоаси, "Бавария" эса адашмасам, Чемпионлар лигасининг энг сермахсул жамоаси бўлиб турибди. Демак бугун катта ҳужум потенциалига эга икки жамоа ўзаро тўқнашади. Ўйин очиқ бўлади ва унда ўз имкониятларидан яхшироқ фойдаланган жамоа ғалаба қозонади. Бу жамоа эса "Бавария" бўлади деб умид қиламан.