Римнинг «Лацио» ва Италия терма жамоаси марказий ҳимоячиси Франческо Ачерби «Интер»нинг трансфер бозоридаги асосий мақсади бўлиб қолди.
Ўтган ойда футболчининг агенти ва "Лацио" клуби Ачербининг трансфери борасида исталган клубдан келиб тушадиган таклифни кўриб чиқиш борасида келишиб олган эди. Эслатиб ўтамиз, 34 ёшли футболчи мавсум мобайнида клуби мухлислари билан жанжаллашиб қолганди.
Tuttomercatoweb порталининг тарқатган маълумотига қараганда, тажрибали ҳимоячи «Интер» клубига ўтиши мумкин. Миланликлар Ачербини Стефано де Врейга ўринбосар сифатида кўрмоқда.
Франческо Ачерби жорий мавсум 28 та учрашувда майдонга тушди ва учта гол киритди. Унинг "Лацио" билан амалдаги шартномаси 2025 йилнинг ёзигача амал қилади.
