Эл Хожи Диуф "Ливерпуль" ва ҳужумчи Муҳаммад Салоҳни янги шартнома имзолашга чақирди.
“Шубҳасиз, “Ливерпуль” Салоҳнинг талабларини қабул қилиши керак. Салоҳ жамоада қолиши керак. У кўпроқ маош ишлаб олиши мумкин, чунки у Мане билан бирга клубнинг энг яхши футболчиси саналади. Улар биргаликда кўплаб совринларни қўлга киритишади.
У июнь ойида 30 ёшга тўлади ва мен ундан яна тўрт йил "Ливерпул"да қолишини сўрайман.
"Реал" клубига ўтиш ҳамма нарсани бошидан бошлаш кераклигини англатади. Салоҳ эса унинг африкалик эканлигини, унга ҳеч қачон европалик каби муносабатда бўлмаслигини тушуниши керак. Унга ҳеч қачон қолганлардан яхшироқ шартнома берилмайди.
"Ливерпул"да мен билан ҳам худди шундай бўлган. Менга терма жамоада ўйнашни тўхтатишни айтишган", - деди "Ливерпуль" ва Сенегал терма жамоасининг собиқ ярим ҳимоячиси Эл Хожи Диуф.
