Мадриднинг “Реал” клуби вингери Марко Асенсио келаси ёзда клубини ўзгартириши мумкин. "Қироллик клуби" 26 ёшли испаниялик футболчи билан 30 миллион евро эвазига хайрлашишга тайёр, деб хабар беради El Nacional.
Манбанинг хабарига кўра, "қаймоқранглилар" мураббийлар штаби Асенсио билан хайрлашишни исташмаяпти. Бироқ футболчининг "Реал" билан шартномаси 2023 йилнинг ёзига қадар мўлжалланган ва ҳозирда ҳамкорликни узайтириш бўйича музокаралар тўхтаб қолган. Шу сабабли, клуб президенти Флорентино Перес Маркони бир йилдан кейин текинга қўйиб юбормаслик учун уни 2022 йилнинг ёзида сотмоқчи.
Олдинроқ Асенсио "Реал" захира ўриндиғидаги ўйиндан норози экани хабар қилинганди.
