Бугун бўлиб ўтган ПФЛ-2012 6-тури доирасидан ўтган "Машъал-"Насаф" учрашуви (0:0) дан сўнг "Насаф" устози Рўзиқул Бердиев ҳам ўз фикр мулоҳазалари билан ўртоқлашди.
— Бугунги учрашув сал эртароқ бошлангани боис, футболчилар секин ҳаракатланишди. Биринчи бўлимда футболчиларга иссиқ ҳаво таъсир қилди ва ўйин кутилганидек кескин равишда кечмади. Қолаверса, рақибимиз ҳам ҳимояда анча ишончли ўйнади. Иккинчи бўлимда бизга етарлича имкониятлар бўлди, аммо булардан фойдалана олмадик.
— Натижадан қониқиш ҳосил қилдизми?
— Биз ўйлаган натижани қўлга кирита олмадик. Юқори ўринлар учун кураш олиб бормоқдамиз. Шу боис, муҳим очкони қўлдан бой бердик.
— Жаҳонгир Жиямуродов кетма-кет иккинчи учрашувда таркибда йўқ?
— Жиямуродовга ўтган учрашувда ҳам дам берган эдик. Бугун ҳам унга бироз ҳордиқ чиқариш имконини яратиб бердик. Ўйлайманки, келаси баҳсларда у бизларга ёрдам беради.
— Элдор Бойматов ҳаракатлари ҳақида фикрингиз?
— Эркин Бойдуллаевда жароҳат борлиги сабабли, бугун ҳам Элдор Бойматовга имконият яратиб бердик. Элдор бугун у қадар кучли ўйин намойиш қилмаган бўлса-да, ёшига нисбатан яхши ҳаракат қилди.
