"Манчестер Юнайтед" бош мураббийи Алекс Фергюсон Премьер-лига 36-туридан ўрин олган "Манчестер Сити"га қарши сафар ўйини ҳақида ўз мулоҳазаларини баён этди.
"Биз "Манчестер Сити"га қарши ўйинларимиз муҳим тус олганига кўникишимиз керак. Бу жамоа ҳеч қаёққа кетиб қолмайди. Агар бир ўзимизни йиғиштириб, чемпионлик унвони учун курашни давом этирар эканмиз "Манчетсер Сити"га қарши ўйинлар "Ливерпул"га қарши ўтадиган ўйинлардек муҳим аҳамият касб этаверади.
Ҳозир "шаҳарликлар" бизнинг тўғридан-тўғри рақобатчимиздир. Ўртага бош соврин қўйилган, шу сабабли ушбу ўйинга жиддий тарзда тайёрланмоғимиз керак. Ўйлашимча, ўйингача бунга тайёр бўламиз.
Манчинининг сўзлари? Эҳтимол у ўйинчилари зиммасига юкланаётган босимни олиб ташлашга ҳаракат қилаётгандир. Нима бўлганда ҳам, бизнинг тайёргарлигимизга унинг баёнотлари таъсир қилмайди.
Бу ўйин олдидан биз "Манчестер Сити"га нисбатан яхшироқ вазиятдамиз. Уларни ягона вариант қониқтиради, биз эса дуранг ёки ғалаба учун курашиш имконияти бор", — дея Фергюсон сўзларини келтирмоқда Goal.com.
"Мачестер Сити"–"Манчестер Юнайтед" ўйини 30 апрель, душанбадан сешанбага ўтар кечаси Тошкент вақти билан 23:59 да старт олади.
