Лондоннинг "Тоттенҳэм" клуби бош мураббийи Ҳарри Реднаппнинг тан олишича, жамоа январда "Манчестер Сити" ҳужумчиси Карлос Тевесни сотиб олмоқчи бўлган экан.
Маълумки, бош мураббий билан жанжаллашиб қолган Карлос Тевес уч ой мобайнида Аргентинада дам олганди. Айнан ўша пайтда "тақачилар" футболчини сотиб олишга ҳаракат қилганди.
"Мен президентга, Карлос Тевесни сотиб олиб бера оласанми, дея савол бергандим. Даниэль Леви бир неча йўлларни амалга ошириб кўрганди. Аммо бу иш амалга ошмаган, имконият бўлишига қарамай".
"Леви уни қаноатлантирадиган суммани таклиф қилганди, бироқ Тевес ҳафтасига 200 минг фунтлик шартномани рад этганди. "Тоттенҳэм" бунақа катта чўнтак йўқ. Тевес — фантастик футболчи. У майдонга кўп югуради, кўп ишлайди. У иштиёқ билан тўп суради ва голлар уради", дейди Реднапп Daily Mirror нашрига берган интервьюси чоғида.
