«Барселона» «Бавария» ҳужумчиси Роберт Левандовскига яна бир мавсумга узайтирилиши мумкин бўлган икки йиллик шартнома таклиф қилди, деб хабар бермоқда Diario AS.
Олдинроқ Каталония клуби «Ливерпуль» ҳужумчиси Муҳаммад Салоҳ билан музокараларни давом эттиришдан бош тортишга қарор қилгани ҳақида хабарлар тарқалган эди.
Шу тариқа, Левандовски «Барселона» томонидан энг тежамкор ва ишончли вариант сифатида кўрилмоқда. Улар польшалик футболчи учун 2024 йилнинг ёзига қадар икки йилга шартнома таклиф қилишди. "Кўк-анорранглилар" уни яна ўн икки ойга узайтириш имкониятига эга бўлади.
Томонлар яқин ҳафталарда келишувга эриша оладими ёки йўқми, бу ҳали аниқ эмас. Ушбу келишув «Бавария»нинг ўз футболчиси учун сўраган товон пулига боғлиқ бўлиши мумкин.
