"Барселона" спорт директори Матеу Алемани жамоа ҳимоячиси Роналд Араухонинг агенти билан бўлган учрашув ҳақида фикр билдирди, унинг клуб билан шартномаси 2022/23 йилги мавсум охирида тугайди.
“Учрашув жуда ижобий ўтди. Иккала томон ҳам хурсанд бўлганга ўхшайди. Биз яқин келажакда музокараларни давом эттирамиз", - дея Алемани ўз сўзларини якунлаган.
Манба шунингдек, "Барселона" уругвайлик футболчини ўз жамоасида сақлаб қолишни жуда хоҳлаётганини қўшимча қилди. Аввалроқ, Араухога Англиянинг "Челси", "Манчестер Юнайтед" ва "Арсенал" каби клублари қизиқиш билдирганди.
